संस्थापक, ॲड. साई महाशब्दे

वक्ता हा दहा हजारात एखादाच सापडतो, इतका हा दुर्लभ गुण आहे. असे म्हणतात, कारण सर्वांच्या अंगी सर्वगुण असतातच असं नाही. एखाद्या शूर असेल, एखाद्याकडे बुद्धी असेल परंतु प्रत्येकाच्या ठायी वक्तृत्व असेलच असे नाही. हे जरी खरे असले तरी थोडासा अभ्यास,योग्य प्रयत्न आणि सर्वात महत्त्वाचे म्हणजे त्याचे तंत्र जर आपण आत्मसात केले तर कोणताही सामान्य व्यक्ती प्रभावी वक्ता होऊ शकतो. बऱ्याच जणांचा हा गैरसमज आहे की प्रभावी वक्तृत्व म्हणजे भाषणचं. मला कुठे राजकारणात जायचं आहे किंवा मला कुठे भाषण करायचा प्रसंग येणार आहे असा अजिबात नाही, आपल्याला रोजच्या जीवनात बोलावंच लागतं. उदा. आपल्या सहकाऱ्यांबरोबर, साहेबांबरोबर, आपल्याकडे येणाऱ्या ग्राहकांबरोबर बोलावे लागते. एखादा डॉक्टर निव्वळ आपल्या बोलण्याने पेशंटचा अर्धा आजार बरा करू शकतो, हे आपण अनुभवलेही असेल. वक्तृत्व कोणीही जन्मजात घेऊन येत नसतं,ती एक नैसर्गिक प्रवृत्ती आहे.हे सामर्थ्य आपणही आत्मसात करू शकतो.गरज आहे फक्त प्रयत्न करण्याची,तंत्र समजून घेण्याची आणि योग्य प्रशिक्षणाची.त्यासाठी आजच आपला प्रवेश निश्चित करा. शब्द शस्त्र आहेत... शब्द अस्त्र आहेत... शब्द वादळं आणतात... शब्द माणसं पेटवतात... आणि ते विझवण्याचे सामर्थ्य सुद्धा शब्दातच आहे. शब्दांनीच झाली आजपर्यंतच्या प्रत्येक युद्धाची सुरुवात आणि शेवटही.. शब्दचं आहेत आजच्या युगात पृथ्वीच्या परिघाचा केंद्रबिंदू ठरवलं तर ते पृथ्वीस ही वेठीस धरू शकतात. या शब्दांच्या सामर्थ्यावर आमचा अफाट विश्वास आहे. ह्या शब्दाच्या माध्यमातून वक्तृवाची साधना करण्यासाठी शब्दसह्याद्री मध्ये आपले स्वागत आहे...!